Effective Date : 1st Feb 2022

1. Eligibility & Criteria

Partners ni thei chin te : –

  • Hna dang thawh nei tan rawn dil buai angai lo, eg. office kal ang chi leh sumdawnna main a hmang lo tan.
  • House Wife lutuk, mahni che chhuak thei miahlo ang chi tan a theih loh.
  • Thla khat chhungin bungrua a tlem berah nuaih 5 (5 lakhs) hralh thei tur chin anni tur a ni. Sales that dan a zirin sales profit bakah bonus siamsak anni ang.
  • Online shop nilo tan atheihloh a, stock point / Dawr nei anni ngei2 tur ani.
  • Business thilah inbiak kual zung2 ngai a awm thin a, biak harsa lutuk tur kan duh lo.

2. Agreement

Kan partner te tan a hriat hmasak tur leh hriat reng tur te:

  • A hnuai Point no. 4 a ziah angin, he kan agreement te hi a tul dan a zir a siamrem theih a ni.
  • Bungrua mal a lak chhuah leh thawn chhuah chungchang ah Reseller pangngai te ang vek a kal tur a ni.
  • Partner te leh an customer bik te inkar ah buaina a awm in partner ten an chingfel tur a ni.
  • Sales Record hi mumal tak neih tur ani a, kar tin vawi khat dawr lam record nen a in mil em tih check a, audit ziah tur a ni.
  • Bungrua te hi godown a stock awmdan a zir in partner te kawl theih chin tur siam a ni.
  • Security deposit hi a hran a pek a ngailo a, bungraw sample ankawl te hi return theih a ni lo a, an items kawl a zirin down payment 30%, 40% emaw 50% pek lawk angai thung.
  • Down payment bak zawng hi kartin sales atanga pek tur ani. Harsatna lian tham lutuk a awm a nih loh chuan eng chhuanlam mah kan pawmlo.
  • Godown atanga bungraw lakchhuah tawh ah a chhia emaw hmelhem emaw alo awmin complain aremlo a,mimal in hriatthiamna in atheih chuan inbiakremna neih zawk tur ani. Bungraw lakchhuah atanga ni 3 chhungin checkfel hmantur ania, ahnu lam ami chu kan ngaihsaklo anih pawhin vui theih a ni lo.

3. Profit & Benefits

Partner te tan a hlawkna hi uluk taka duan ani a, Kan partner nisa lo te tan chuan hriat a rem lo. Affiliation system angin kan product te Thla tin a an hralhchhuah zat belhkhawm atanga percent lak ani ang. Percent hi fix nilo in, hralh tam leh a tam ve zel thung dawn ani.

Sales profit hi thla thin ni 1-10 inkar ah chhut thin ani.

Items a zir in profit hi chhut ani a, Clearance leh chawibelh sale ah profit awm theilo. Min tanpuina angah ngairu :-).

4. Terms Revision

Heng kan Terms & Agreement siam te hi dawr pumpui performance a zir a ennawn thin tur a ni a. Siam belh, Paih then emaw tih danglam thu hla ah dawr neitute thu ani a, amaherawh chu partner te ngaihdan pawh kan ngaihthlak sak ve ang, kan that tlan zawk nan emaw tul bik thil a awm chuan engtik hun ah pawh thlak danglam theih reng ani ang. Tih danglam a awm anih chuan kan partner uluk taka lo ennawn ve tura hrilh hriat an ni bawk ang.

Details kan tarlantak te hi i zawm/pawm thei anih chuan official in business partner ah kan pawm thei che a, tha tak a kan thawh ho theih kan beisei.