Effective Date : 1st Jan 2020, Last Revision : 14 Nov 2022

For English, Please go to Terms & Agreement for Resellers page.

Item Purchase :

  • Dawr bungrua te hi payment lo chuan a lak chhuah theih loh.
  • Khawdang a thawnchhuah ngai chi reng reng, Pre-paid hmasak angai.
  • Dawr kalsan hma in bungraw lakchhuah tur ah chhia a awm em tih check hmasak ngei ngei tur.
  • Bungraw lak chhuah hma in engkim check fel a, size, colour, meterial engkim check chian hmasak tur, Khawdang thawn tur te pawh in chiang taka engkim zawh chian hmasak theih reng kan ni. Check loh vanga buaina a awm in kan thiamloh a ni tawh lo ang.
  • Reseller te leh keimahni inkar buaina bak reseller te customer (end-customer) te buaina kan buaipui sak lo a, buaina engpawh an nei anih chuan reseller te mawhphurhna a ni.
  • Dawr bungrua thlalak kan thawn chhuah ah watermark langin khawi hmun ah mah kan dawr rate aia tlawm in order lak khawm chawp phal a ni lo. Hei hian dawr atang a kan bungrua leichhuah tawh sa an zawrhchhawn lehna a huam lo.

Delivery

  • Bungrua hi kan deliver thei vek a, Bungraw lian over emaw, veng hla deuh bik anih loh chuan deliver man hi Rs.100/- in kan hrut rual.
  • In customer lehchhawng te hnen ah pawh kan deliver sak thei che u a, mahse COD in kan deliver sak thei lo.
  • In customer te hnen a kan deliver tur pawh bungraw man dawr ah in pe lawk sa anga, in customer te nen a in inkar chu nangmahni chinfel tawh tur a ni. Hemi chungchang ha hian buaithlak in tih deuh chuan keimahni nilo in kan delivery boy te nen in in remsiam thei ang.

Returns & Replace :

  • A tir a check nghal nilo chu bungrua chhia kenchhuah tawh kan return/replace theilo.
  • Bungrua lak chhuah tawh reng reng hi special case ah lo chuan cash in kan refund theilo.
  • Keimahni pek chhuah dikloh ah chuan Aizawl chhung ah ni 1 ral hma in report leh tur, Aizawl pawn lam tan ni 3 ral hma a in report leh tur.
  • Bungrua return tur reng reng dawr receipt(if any) nen alo let leh tur a ni a Footwear leh home appliance bik ah dawr Barcode ti chhe lo a lo return tel ngei ngei tur.
  • Size diklo, colour diklo leh keimahni tih dikloh ah bungrua hi kan thleng let leh thei a, mahse bungrua thleng reng reng a original packing a ni tur a ni a, chhia, bawlhhlawh kai leh rang engmah a awm tur a nilo.
  • Bungrua lak chhuah tawh te hi angai ang chauh in kan thleng thei a, a aia man to zawk pawh nise bungrua chidang egmah in kan thleng sak thei lo.
  • Discount leh Clearance Sale reng reng lak chhuah tawh sa a thleng leh theih tawh loh.

Disclaimer :

  • Dawr group hrang hrang ah te admin dah nual a ni a, group description a chiang taka kan sawi Aizawl area leh Aizawl pawn lam orderna kan tarlan ah te chauh hian dawr kaihhnawih zawh leh order siam tur a ni a, Number/Admin dang, a bikin Thuamhnaw lam pic postna phone ah te zawhna leh order inlo thawn a reply in dawn loh chuan sawisel theih a ni lo ang.
  • Dawr working hours hi 9am-5pm a ni a, working hours pawn lam ah chuan engtik lai pawhin phone te kan vil reng hman bik lo a, theihtawp chu kan chhuah ve a mahse, reply in dawn loh pawh in min hriatthiam angai ang.
  • Dawr bungrua te hi real pic, keimahni lak ngei hman vek kan duh a, mahse atak a thlalak lang mawi theilo te, a nihna pho chhuak theilo te, a rawng lang dik theilo ang chi te, Catalog pic (Download chawp), a in mil thei tura kan ngaih kan lo hmang thin, heng ho ah hian a tak nen a lo in ang chiah chiah vek kherlo thin tih kan in hriattir a, Realpic nilo kan hman ho hrim hrim hi chu sample pic ani tih hriat nghal tur a ni a, duh chuan a hmun ah en chian mai tur a ni e.
  • Pheikhawk leh thuamhnaw te hi manufacturer a zir in a size an ziah dan a in ang vek kher lo a, hei chu kan controll theih piahlam a ni a. I lei hma in, a hmun ah en emaw a size diktak mesurement min lo zawt thin la, i customer te size pawh hriatchian hmasak tum ang che. An lo tawk loh thil a awm chuan mawh kan phur lo ang.
  • Kan bungraw neih, abik in Footwear lam te hi Branded company hming pu tamtak awm mahse, Showroom original a nih loh vang hian Original ang thlap thlap chu engmah a awm theilo. 7A Replica, First Copy leh quality hniam dan a zir in a design, colour leh material a in anglo ve zel tih hriat tel tur, Quality chungchang complain ah mawh kan phur lo ang.
  • Heng kan dawr terms and conditions te hi Seller te leh keimahni lam dinhmun a zir a zir chian a, update chhoh thin a ni. kum tawp ah emaw kum thar tih ah update thin a ni.
  • Kan bungrua thleng theih dan phal leh phalloh chin kan neih te hi hriat chian a, bungrua lak chhuah hma in uluk taka check chiang hmasa turin kan in hriat tir nawn leh ani e.

Kan bungrua engpawh i lei anih chuan kan dan te hi pawm thlap anga ngaih ini tawh dawn a, I pawm theilo anih chuan kan hnen atanga engmah lei lo tur leh kan group te chhuahsan mai turin kan hriattir a che.

KAN LAWM E